“Ontwaak, jy wat slaap, en staan op uit die dode, en Christus sal oor jou skyn.” Ef 5:14

 

Paulus erken dat hy sukkel met patrone binne hom wat sy geestelike groei belemmer. “Die goeie wat ek wil doen, doen ek nie, maar die slegte wat ek nie wil doen nie, dit doen ek.” (Rom 7:19). So stelling vra moed en eerlikheid en iemand wat baie bewus is van sy eie gebrokenheid. Jy verwag dit nie van iemand wat 60% van die NT geskryf het nie!

 

Noem dit nou maar gebrokenheid, vlees, swakhede, sonde, ego-patrone of watookal – elke mens wat bewustelik probeer leef sal hierdie menslike dilemma ervaar. Daar is iets in ons wat ons altyd klein wil hou, iets wat ons innerlike wêreld versmoor en ons siel uitverkoop aan ‘n uiterlike wêreld. Daar is iets in elke mens wat die splinter kan raaksien maar nie die balk in ons eie oog nie. (Matt 7:5).

 

Daarom word ons uitgenooi op ‘n geestelike reis waar ons verander kan word in die beeld van Christus. Paulus se een metafoor vir die geestelike reis is om wakker te word!

 

Lig is ‘n byproduk van “wakker word” of bewus word en nie net om meer te bid, of te doen of meer geestelik te probeer wees nie. Wanneer Christus oor ons skyn kan ons sien wie ons werklik is en dan is elke mens verskriklik mooi omdat ons ware geskapenheid ons aan God verbind. 

 

Die Enneagram is ‘n wonderlike instrument wat ons kan help om ons ware geskapenheid of ware self te ontdek en uit te leef.

​

Enneagram 1.0

​

Ons almal kyk met verskillende brille of lense na onsself, na God en die wêreld om ons - maar ons is nie bewus van die lense waardeur ons kyk nie. En dit wat jy nie van jouself weet nie, kan nadelig wees vir jou en al jou verhoudings. Soos Carl Jung sê 'Until you make the unconscious conscious, it will direct your life and you will call it fate.' 

​

Die Enneagram is ‘n wonderlike instrument wat ons kan help om ons ware geskapenheid of ware self te ontdek en uit te leef.

Terugvoer van mense wat dit reeds gedoen het:

 

Baie dankie vir hierdie ongelooflike tool vir my lewe vorentoe. Ek sal dit nooit vergeet nie. Ek wens een en elke mens in die wêreld kan so iets doen. – Christa

 

Die Enneagram was vir my en my man ‘n wonderlike en onvergeetlike ervaring. Dit wat ons daar kon leer van onsself en ook om ander beter te kan hanteer was absoluut lewensveranderend. - Marthie

 

Die Enneagram is een van die grootste geskenke wat ek nog ooit ontvang het. Dit het my met ‘n ervaring gelaat van groot dankbaarheid en aanvaarding vir myself en vir ander mense, en God se glimlag oor my lewe. - Paul

​

​

​

​

​

"Ek het my nommer, wat nou?"

​

Verdere Enneagram geleenthede vir Geestelike Groei en Transformasie:

​

Om bewus te raak van jou Enneagram-nommer in Enneagram 1.0 is slegs die begin van jou reis en nie die eindbestemming nie.

​

Deur jou nommer te ken verander nie outomaties jou verhoudings of jouself nie. Daar is gelukkig wonderlike dissiplines, ritmes en gewoontes wat jou kan help om elke dag meer bewus te word van my ego se patrone en hoe dit my verhinder om my volle EK te wees. Daarom sê Jesus ons moet elke dag ons kruis opneem… 

​

With God’s help, I shall become myself. – Soren Kierkegaard

 

Ons het verskeie geleenthede wat jou kan help op hierdie reis van bewuswording en transformasie:

​

Kursus: Living As Love

​

Loving is the most difficult spiritual work any of us have to do! – Calhoun & Loughrige

​

In hierdie 8 weke kursus gaan ons die kennis van die Enneagram gebruik om meer bewus te word van die struikelblokke in ons elkeen se lewens wat ons verhinder om liefde te ontvang, te gee en ook te WEES. Dit is ‘n innerlike en geestelike reis waar ons God uitnooi om Sy lig in ons te kom skyn en ons te help en te leer om regtig liefde te WORD.

​

​

​

​

 

​

Enneagram Retreat

​

Ek het gekom sodat hulle lewe kan hê, en dit in oorvloed. - Jesus

 

Indien jy Enneagram 1.0 gedoen het, is jy reeds bewus van jou eie ego-patrone – of in meer algemene taal: wat jou nommer is. Die groot doel van hierdie ego-patroon was om my te beskerm teen pyn, teleurstelling en verwerping. Maar om dit reg te kry moes ek sekere dele van myself wat nie by my patroon inpas nie, afsny.

 

Alhoewel daar wonderlike eienskappe in elke ego-patroon is, is dit egter nie die volle jy nie en word ons deur ons patrone beperk. Dit beroof ons van ‘n lewe in oorvloed, om ten volle jy te wees en vanuit jou Ware Self te leef.

​

​

​

​

​

​

Ouerskap & Enneagram

​

Die fokus van die ouerskapkursus is tweeledig:

​

1. eers op die uitnodiging en uitdagings vir jou as ouer binne jou eie tipe, 

2. en dan op julle kinders en hoe ons as ouers elke tipe beter kan verstaan en hanteer en sodoende gesonde verhoudings kan kweek. 

 

Hou gerus dié spasie dop vir toekomstige kursus geleenthede.