Wat is Bergskool?

Berge het ‘n besondere betekenis in Bybel. Dit was telkemale die ruimte waar mense se lewens ten diepste geraak en verander is. Soms deur ‘n roeping, ‘n worsteling, naamsverandering of selfs ‘n fisiese litteken. Dink maar Abraham, Moses, Elia, Jakob, Petrus of Jesus. Dit was die skool waarbinne mense se roeping (wie hulle is)  en missie (wat hulle moet doen) duidelik geword het. Hierdie ervaring en nuwe wysheid het gelei tot ‘n drastiese lewensoorgang en nuwe begin.

Ons lewe is soos ‘n huis met kamers, en ons beweeg gedurig deur een kamer na ‘n ander om te kom waar ons moet wees. Die kamers het deure (passage), en die deur help jou om van een plek (lewensfase) na die ander te gaan. Vier groot kamers op ons lewensreis is die kamer van die Kind, Adolosent, Volwassene en die Wyse Gryse.

Bergskool poog om kinders (Graad 7) te help met hulle belangrike lewensoorgang na adolosensie.

 

Hoe het Bergskool ontstaan?

InVia het in 2012 ‘n kamp by Bergbron in Wellington gehou met die tema: “Twee Helftes van jou Lewe.” Dit het diep geraak en ‘n gespreksgroep is daaruit gebore om te probeer verstaan wat dit vir die InVia-gemeenskap moontlik kon beteken. Daar is die droom gebore om die InVia-gemeenskap te ondersteun om die onderskeie oorgange van hulle lewensfases te ondersteun deur die skep van mentor- en fasiliteringstrukture. Die eerste Bergskool het in 2014 afgeskop nadat ons ‘n span fasiliteerders opgelei het en kinders van Stellenbosch en Perrivale begelei het.

Dit wat gebeur het was aangrypend en sedertdien probeer ons die prosesse en ons eie verstaan verdiep.

Kyk gerus hier na die InVia Bergskool 2019 video.

  • White Facebook Icon
  • White Twitter Icon
  • White Instagram Icon

Kontaklys:

 

Theo Geyser | Spanleier: InVia Gemeente

 

Wilma Enslin-Geyser | Kids@Invia | Enneagram | Finansies

Frieda van den Heever | Liturgie | Prediking

Pierre du Plessis | Kampusleraar: Kaapstad

Francois van der Merwe | Musiek en Kreatiwiteit | Viridis | Tegnologie

Anelle Erasmus | Sekretaresse

Kantoortelefoon nommer: 021 882 8339

Alle regte voorbehou © 2019 InVia Gemeente  |  ONDERSTEUN INVIA