WAT INSPIREER ONS | MUSIEK
Musiek is vir InVia 'n versamelnaam. Nie net het musiek die gawe om mense bymekaar te bring nie, dit skep 'n direkte konneksie tussen ons hart, liggaam, kop en siel wat min woorde kan beskryf. Musiek het die gawe om woorde en 'n boodskap sinvol te kommunikeer. Ons is baie dankbaar om in Stellenbosch omring te wees met talentvolle musici wat saam op reis is.
Sondagdienste: In Persoon en In Gemeen
Sondae maak ons musiek saam. Ons glo dat ons liturgie ten einde "the work of the people" moet wees. Dat dit wat in, deur en rondom die musiek, poësie, beelde ens. gebeur uit diep gemeenskap gebore moet word. Indien jy graag saam wil droom oor hoe kontemplasie in en deur dit in ons dienste kan lyk of saam met mede musikante reis en musiekmaak, kontak vir Lukie.
InKonsert:
Eenmaal 'n jaar kom musikante uit uit ons gemeenskap bymekaar en kry die geleentheid om enige liedjie wat hul nog altyd wou sing, op te tree. Soms is die konsert gekoppel aan 'n tema. In 2023 was die tema "Hit Parade Revival" waar daar 'n samestelling van verskillende liedjies wat vroëer jare op die Treffer Parade verskyn het, opgevoer is. Dit was 'n aand met soveel hoogtepunte en ons het baie lekker gekuier.
Vanjaar hou ons weer konsert bied "WINDE VAN VERANDERING - ‘n aand van inspirerende (en lewendige!) protesmusiek" aan. Ons gaan darem nie net protesteer nie, maar ook heerlik saam kuier, eet en iets drink. Dit alles, ten bate van musiekterapie vir die Kinderhuise waar InVia betrokke is.
Opnames/Albums:
Die klanke op al die albums het ontstaan op reis met/in/as InVia – mense wat mekaar inspireer, leer luister, tot stilte noop, vrae laat vra voor antwoorde ter sprake kom en asem laat haal asof dit al is wat saak maak. Ons glo ons wil musiek maak waarin ons mag eerlik wees, vrae vra, worstel met God en aanbid nes ons is. Die meeste van ons musiek is geskryf of getoonset om te sing, en nie aanvanklik om na te luister, soos in hierdie geval, nie. Maar natuurlik, is jy welkom, om dit te geniet nes jy is, waar jy is, op waterokal manier jy kan.