Geestelike begeleiding (in Engels bekend as spiritual direction) is ’n skat uit die kerkgeskiedenis wat nou deur die Protestantse wêreld herontdek word. Deesdae word ook ander name verkies - soos mistagogie (om ingelei te word in God se verborge wil), geestelike vriendskap of geestelike betrokkenheid. Dit is 'n proses wat my help om God se teenwoordigheid binne my lewe raak te sien.

 

Vanjaar het ons 'n 5-weke "Ontmoeting met God" reis vir Lent, waar jy Geestelike begeleiding kan beleef. Die reis begin 14 Februarie met 'n gesamentlike Zoom-sessie en sluit 21 Maart af. Intussen sal jy een keer per week individueel met jou gebedsbegeleier op Zoom ontmoet. Koste: R300 donasie per persoon.

 

Enige iemand is welkom!

​

Indien jy belangstel in hierdie begeleidings-sessies kontak asb vir Anna-lize by 082 518 9947 of anna-lize@asah.co.za