STELLENBOSCH | PELGRIMSTOGTE

“Pilgrims are people in motion, passing through territories not our own, seeking something we might call completion, or perhaps the word clarity will do just as well; a goal to which only the spirit’s compass points the way.” Richard Niebuhr

Pelgrimstogte is ’n eeue oue tradisie wat bekend is onder alle gelowe. Dit gaan om veel meer as net ‘n plek. Die uiterlike reis word die simbool van die innerlike reis wat jy aandurf. Jy verlaat jou huis letterlik en figuurlik en wag op die gawe en insig wat soveel pelgrims voor jou op die reis ontvang het. Vanjaar bied InVia Stellenbosch twee Pelgrimstogte aan. Een vir jong volwassenes na Frankryk, en een vir volwassenes en kinders na Israel:

 

1) Viridis Retreat en Pelgrimstog na Taizé & Le-Puy-en-Velay Camino:

Taizé is 'n ekumeniese klooster in die Suide van Frankryk waarna duisende jong volwassenes reg oor die wêreld elke jaar gaan om saam drie keer 'n dag te bid, te sing en te reflekteer op die Skrif. Deur die dag is daar genoeg tyd om die Franse platteland te verken, asook kontaksessies met die Broers van Taizé. Ons word ook in groepe verdeel om op een of ander manier die gemeenskap te dien soos kosmaak, na die groentetuine omsien of werk in die snoepie. Ons gaan vir 'n week hier saam wees en daarna 3 aande in Le-Puy deurbring, waar ons 'n gedeelte van die Franse Camino gaan stap. Hier gaan ons die platteland op ons voete verken en verder saam ons uiterlike en innerlike reise met mekaar deel.

 

Toerleier: Francois van der Merwe

Datums: 20 Junie tot 2 Julie 2020 (12-dae)

 

Vereiste ouderdomsgroep: 18 tot 40 jaar

Ingesluit:

  • Alle akkommodasie

  • Drie etes per dag by Taizé; ontbyt en aandetes in Le Puy.

  • Transfers: Geneva na Taize & Taize na Le-Puy & Le-Puy na Geneva

  • Vervoer van tas wanneer ons in Le-Puy gaan stap. 

  • 'n Pilgrims passport met stap notas, 'n gids en hotel vouchers.

Uitgesluit:

  • Schengen Visum vir Frankryk.

  • Retoervlugte teen R10 000 per persoon vanaf Kaapstad Internasionale Lughawe.

  • Reisverserkering.

  • Maaltye en drinkgoed wat nie hierbo gelys is nie.

  • Persoonlike uitgawes bv. wasgoed, ens.

Toerprys: ±R 26 500 per persoon (bereken op R16.50 per Euro) met vlugkostes ingereken.

Indien jy belangstel, kontak gerus vir Francois by francoisvdmerwe@me.com.

2) Israel 2020:

Die toer besoek drie Bybelse lande: Egipte, Israel en Jordanië. Die toer is gesinsvriendelik omdat ons graag vir kinders en jongmense die blootstelling wil gee sodat die Bybel meer relevant vir hulle word en Jesus se tyd op aarde amper in Sy skoene te kan beleef. Saam met die besoeke aan die mees betekenisvolle historiese plekke in die Bybel, sluit die toer ook wonderlike ervaringe in vir die hele gesin soos snorkel in die Rooi See, Bar Mitzva, kameelrit en oornag in die woestyn waar die Israeliete vir 40 jaar rondgetrek het, dryf in die dooie see, bootrit op die Nylrivier en nog vele meer.

Toerleier: Theo & Wilma Geyser

Datums: 18 September tot 2 Oktober 2020 (September skoolvakansie)

Die reisplan is kindervriendelik, so gesinne is welkom!

Ingesluit:

  • Alle toegangsfooie by besoekplekke soos op reisplan uiteengesit.

  • Vervoer in luukse lugverkoelde toerbusse.

  • Ontbyt en aandetes daagliks.

  • Voltydse engelssprekende Israeli gids met Theo Geyser as geestelike leier.

  • Volledige toerhandleiding en ligte rugsak.

  • Alle fooitjies vir gidse, busbestuurders, portiere en kelners (Sowat $90 pp.)

  • Visums na Jordanië.

Uitgesluit:

  • Retoer vlugte.

  • Reis- en mediese versekering.

  • Middagetes en drinkgoed tydens etes.

  • Persoonlike uitgawes soos wasgoed, telefoonrekeninge, kamerdiens ens.

  • Paspoort fooie.

  • Visums na Egipte (R350).

Toerprys: Vanaf R24 500 per persoon met vlugkostes nie ingereken nie.

Indien jy belangstel, epos gerus vir Anelle by inviagemeente@gmail.com.

 
 
  • White Facebook Icon
  • White Twitter Icon
  • White Instagram Icon

Stellenbosch:

 

Theo Geyser | Spanleier: InVia Gemeente

 

Wilma Enslin-Geyser | Kids@Invia | Enneagram | Finansies | Kinderhuise

Francois van der Merwe
| Musiek en Kreatiwiteit | Viridis | Tegnologie

Frieda van den Heever | Liturgie | Prediking

Anelle Erasmus | Sekretaresse

Kantoor: inviagemeente@gmail.com021 882 8339

Kaapstad:

Pierre du Plessis | Kampusleraar: Kaapstad

Frieda van den Heever | Liturgie | Prediking

Kantoor: inviakaapstad@gmail.com

Alle regte voorbehou © InVia Gemeente 2020 |  ONDERSTEUN INVIA